11 корисни совети за вашата онлајн продавница

📑 Прочитај за само: 2 минути ⌛

Истражување за клучни зборови Keyword-и –  е корисно да се спроведе пред да се отвори онлајн продавницата, но и по започнувањето на продажба преку Интернет. Тоа ви покажува кои се точките каде можете да ја насочите својата сила, како сте перцепирани од клиентите и што е најважно, тоа покажува што е важно за клиентите и какви проблеми можете да решите за нив.

Мобилна (респонсивна) верзија – мој совет е секогаш ама баш секогаш да ја оптимизирате и гледате мобилната верзија на страницата, а потоа верзијата за десктоп. Значително повеќе посетители и нарачки на повеќето страници доаѓаат од мобилни уреди.

Брзина на страницата – заради должината на вниманието и не многу големата трпеливост на клиентите, направете ја страната брза. Грижете се за ова и постојано тестирајте ја брзината.

Навигација – овозможете лесна навигација за клиентите преку јасно мени, каде клиентот брзо и лесно ќе ги пронајде потребните производи или услуги.

Пребарување – во рамките на самата онлајн продавница, треба да имате добро оптимизирано пребарување што ќе го одведе клиентот до посакуваната дестинација.

Сведоштва – позитивните сведоштва на вашите стари клиенти се многу важен показател за вашите потенцијални клиенти и значаен фактор во донесувањето одлуки.

Повик за акција – на секое место каде што е можно, треба да има јасен повик за акција или белешка за клиентот што да направи следно.

Линкување – водете сметка за оптимизацијата, односно подобро рангирање на вашата страница кај пребарувачите. Добар начин да го направите ова е да се поврзете и линкувате со добро посетени веб страни.

  Совети за оптимизирање на Brand Image-от

Програми за лојалност – преку програмите за лојалност, го врзувате клиентот со вашата онлајн продавница и му давате причина повеќе повторно да се навраќа.

Корисни содржини – како совети, блогови и корисни текстови се добри за оптимизирање на онлајн продавницата и за градење на вашата репутација и авторитет на Интернет во посакуваната област.

Пробувајте, тестирајте, анализирајте, сменете … Онлајн продажбата е жива работа и ќе даде одлични резултати само за храбрите и посветените, оние кои веруваат во нивниот производ и никогаш не заборавајте дека клиентот е во центарот на вниманието, дека постоиме за да ги задоволиме неговите потреби.

Ако сакате да ги зголемите резултатите, ефективноста или имате прашање за било која област од дигиталниот маркетинг закажете бесплатна консултација со клик на овој линк.